ചോദ്യം: അഖീഖത്തറക്കുമ്പോൾ പെൺകുട്ടിക്ക് ഒരാടും ആൺകുട്ടിക്ക് രണ്ടാടും സുന്നത്താണന്നു കേട്ടു മനസ്സിലാക്കിയിട്ടുണ്ട്. ഈ രണ്ടാടുകളും ഒരുപോയുള്ളതായിരിക്കൽ പ്രത്യേക സുന്നത്തുണ്ടോ? ഇങ്ങനെ അറിയിക്കുന്ന ഒരു ഹദീസു ണ്ടെന്നു കേട്ടു. ശരിയാണോ? മറുപടി പ്രതീക്ഷിക്കുന്നു.

ഉത്തരം: ആൺകുട്ടിയുടെ അഖീഖയായി അറക്കുന്ന രണ്ട് ആടുകളും ഒരുപോലുള്ളതായിരിക്കൽ കിടയാക്കൽ സുന്നത്താണ്. ഇങ്ങനെ – ഹദീസിലുണ്ടുതാനും. ‘റസൂൽ തിരുമേനി ഞങ്ങളോട് ആൺകുട്ടി രണ്ടു തുല്യ ആടുകൾ കൊണ്ട് (മുതകാഫിഅതെനി) അഖീഖത്തറുക്കാൻ കല്പിച്ചു’ എന്ന് ഉമ്മുൽ മുഅ്മിനീൻ ആയിശ(റ) റിപ്പോർട്ടു ചെയ്ത ഹദീസിലുണ്ട്. ഇമാം തുർമുദി ഹസനും സ്വഹീഹുമെന്ന് രേഖപ്പെടുത്തി നിവേദനം ചെയ്തതാണ് പ്രസ്തുത ഹദീസ്, തുഹ്ഫ: ശർവാനി സഹിതം 9-371.