ചോദ്യം: വുളൂഇൽ നിന്ന് വിരമിച്ചതും ബാങ്കു വിളി കഴിഞ്ഞതും ഒരേ സമയമാണെങ്കിൽ ഏത് ദുആയാണ് മുന്തിക്കേണ്ടത്?

ഉത്തരം: വുളൂഇന്റെ ദുആയുടെ ആദ്യ ഭാഗമായ أَشْهَدُ أنْ لَا إلَهَ إلَّا اللَّهُ وَحْدَهُ لَا شَرِيكَ لَهُ وأَشْهَدُ أنَّ مُحَمَّدًا عَبْدُهُ وَرَسٌولُهُ എന്ന ശഹാദത്ത് ആദ്യം ചൊല്ലുകയും തുടർന്ന് ബാങ്കിന്റെ ദുആ പൂർണ്ണമായും കൊണ്ടു വരികയും ശേഷം اللَّهُمَّ اجْعَلْنِي مِنَ التَوَّابِينَ മുതൽ വുളൂഇന്റെ പ്രാർത്ഥനയുടെ അവസാന ഭാഗം വരെ ചൊല്ലുകയും ചെയ്യുന്നതാണ് നല്ലതെന്ന് ഇമാം ബുൽഖീനി (റ) പ്രസ്താവിച്ചിട്ടുണ്ട്. (ഫത്ഹുൽ മുഈൻ പേജ്: 102)

ഫർള് എന്നതിന് ‘ഒഴിച്ചുകൂടാത്തത്’ എന്നർത്ഥമുണ്ട്. അതിനാൽ വുളുഇനെ ഫർള് എന്ന് വിളിക്കാം, പിന്നെ വുളൂഇന്റെ ഫർള് എന്നും കരുതാം. ഞാൻ വുളു എടുക്കുന്നു എന്നുമാത്രം കരുതിയാലും വുളു സഹീഹാകുന്നതാണ് (തുഹ്ഫ: 1/194).

ലഭിക്കും. നഗ്നനാവുകയെന്നത് വുളൂഇന്ന് തടസ്സമല്ല. നിയ്യത്ത് വേണമെന്നു മാത്രം.

വുളുഇൽ ഒരു പ്രാവശ്യം കഴുകലാണ് നിർബന്ധം, രണ്ടും മൂന്നും പ്രാവശ്യം കഴുകൽ സുന്നത്തും. കഴുകൽ നിർബന്ധമായ ഭാഗം മുഴുവൻ നനഞ്ഞതിനശേഷമേ രണ്ടാമത്തതും മൂന്നാ മത്തതും സുന്നത്ത് പരിഗണിക്കുകയുള്ളൂ. ഒന്നിലധികം കഴുകിയില്ലെങ്കിൽ സുന്നത്ത്
പൂർണ്ണമായും കിട്ടില്ല, പൂർണ്ണമായും സുന്നത്ത് കിട്ടണമെങ്കിൽ മൂന്നിലും അവയവം ആകമാനം
നനഞ്ഞ് ഒലിക്കേണ്ടതുണ്ട്.

കഴുകപ്പെടുന്ന അവയവങ്ങളിൽ വെള്ളം ചേരുന്നതിന് തടസ്സമാവുന്ന ഒന്നും ഇല്ലാതിരിക്കൽ വുളൂഇന്റെ നിബന്ധനയാണ്. സാധാരണയിൽ വളയും മോതിരവുമൊന്നും ഇതിനു തടസ്സമാവാറില്ല. വിരലിനോട് ഒട്ടിനിൽക്കുന്ന മോതിരം വുളൂഇന്റെ സമയത്ത് അനക്കുകയും അവിടെ വെള്ളം ചേർക്കുകയും വേണം.

ഇല്ല. കാരണം, സൂപ്പർവൈവറ്റ് വെള്ളം ചേരലിനെ തടയില്ല. അതുകൊണ്ട് വുളുഇൻകരാറൊന്നുമില്ല.

വുളുഇന്റെ നിയ്യത്തോടെ വെള്ളത്തിൽ മുങ്ങിയാൽ വുളുന്ന് ലഭിക്കും. വെള്ളം ചേരുന്നതിനെ തടയുന്ന എന്തെങ്കിലും വസ്തുക്കൾ വുളുഇന്റെ അവയവങ്ങളിൽ ഉണ്ടാവാൻ പാടില്ല.ശരീരത്തിലെ ഇതര ഭാഗങ്ങളിൽ ഉണ്ടായതുകൊണ്ട് വുളുവിന്ന് പ്രശ്നമില്ല.

വെള്ളം ചേരുന്നതിനെ തടയുന്നതൊന്നും വുളൂഇന്റെ അവയവങ്ങളിൽ പാടില്ല. ഇത് വുളൂഇന്റെ നിബന്ധനകളിൽ പെട്ടതാണ്. ക്യൂട്ടക്സിന്റെ കട്ടിയുള്ള പോളിഷ് നഖത്തിനെമറക്കും. ഈ ഭാഗത്ത് വെള്ളം ചേരില്ല. അതുകൊണ്ട് സാധാരണ ക്യൂട്ടക്സ് വുളുഇന്ന് തടസ്സമാണ്. മൈലാഞ്ചി ഇടുമ്പോഴുള്ള നിറംമാറ്റം മാത്രമേ ഉണ്ടാകുന്നുള്ളൂവെങ്കിൽ തകരാറില്ല

വുളു എടുക്കുന്നത് മുതലഖായ വെള്ളം കൊണ്ടായിരിക്കൽ ശർഥാണ്. മറ്റു വല്ലതും കലർന്നു പേരു മാറിപ്പോയാൽ അതിനു മൂത് ലഖായ വെള്ളമെന്നു പറയുകയില്ല, അക്കാരണത്താൽ കഞ്ഞിവെള്ളം വുളുഇന് പറ്റുകയില്ല. എന്നാൽ ഐസ്തളം കൊണ്ട് വുളുഎടുക്കാവുന്നതാണ്.

ഉത്തരം: ഇമാം നവവി (റ) പറയുന്നു. താടിക്കും തലക്കും കറുപ്പ് ചായം കൊടുക്കൽ ആക്ഷേപിക്കപ്പെട്ടതാണെന്ന് കർമ ശാസ്ത്ര പണ്ഡിതന്മാർ ഏകോപിച്ച വിഷയമാണ്. പക്ഷേ ഇമാം ഗസ്സാലി (റ) ഇഹ്യാഇലും ഇമാം ബഗ്വി (റ) തഹ്ദീബിലും അതു പോലെ മറ്റു ചിലരും ഇത് കറാഹതാണെന്ന് പറഞ്ഞിട്ടുണ്ടെങ്കിലും ഹറാമാണെന്നുള്ളതാണ് പ്രബലാഭിപ്രായം. . എന്നല്ല; അതാണ് വാസ്തവവും

ഇബ്നു അബ്ബാസ് (റ) വഴിയായി അബുദാവൂദും (റ) നസാഇ (റ)യും മറ്റും നിവേദനം ചെയ്ത ഒരു ഹദീസിൽ ഇങ്ങനെ കാണാം. നബി (സ്വ) പറഞ്ഞു: “പിൽക്കാലത്ത് മുടിക്ക് കറുപ്പ് ചായം കൊടു ക്കുന്ന ഒരു വിഭാഗം വരും. അവർ സ്വർഗത്തിന്റെ വാസന പോലും എത്തിക്കില്ല” ഈ വിഷയത്തിൽ സ്ത്രീകളും പുരുഷന്മാരും സമ മാണ്. (ശർഹുൽ മുഹദ്ദബ് വാ: 1, പേ: 294)

ഈ പറഞ്ഞതിൽ നിന്ന് മുടി കറുത്തതാണെങ്കിലും കറുപ്പ് ചായം കൊടുക്കൽ നിഷിദ്ധമാണെന്ന് ഗ്രഹിക്കാം. എന്നാൽ ചില ഫിഖ്ഹ് ഗ്രന്ഥങ്ങളിൽ തന്നെ നരച്ച മുടിക് കറുപ്പ് ചായം കൊടു ക്കൽ നിഷിദ്ധമാണെന്ന് കാണാം. ഇതിൽ നിന്ന് മുടി കറുത്തതാ ണെങ്കിൽ കറുത്ത ചായം കൊടുക്കൽ ഹറാമില്ലെന്ന് ഗ്രഹിക്കാവുന്നതല്ല.

വെള്ളം ചേരലും ചേരാതിരിക്കലുമല്ല മാനദണ്ഡം. പക്ഷേ അതിനെ ആശ്രയിച്ച് നിൽക്കുന്നതാണ് വുളൂഅ്, കുളി എന്നിവയുടെസാധുതയും അസാധുതയും.

എന്നാൽ യുദ്ധത്തിൽ പുരുഷന്മാർക്ക് ഇതിൽ ഇളവുണ്ടെന്ന് ശറഹുൽ മുഹദ്ദബ് വാ: 1, പേ: 294ൽ പ്രസ്താവിച്ചിട്ടുണ്ട്.

ഉത്തരം: പ്ലാസ്റ്റർ തയമ്മുമിന്റെ അംഗത്തിലാണെങ്കിൽ (മുഖം, രണ്ട് കൈകൾ) നിസ്കാരം മടക്കൽ നിർബന്ധമാണ്. വുളൂഉം പകരമുള്ള തയമ്മുമും അപൂർണമായതാണ് കാരണം. ഇനി തയമ്മു മിന്റെ അംഗത്തിലല്ലെങ്കിൽ പ്ലാസ്റ്റർ പിടിച്ച് നിൽക്കാൻ ആവശ്യമായ തിലും അപ്പുറം ഭാഗം മുറിയില്ലാത്ത സ്ഥലത്ത് നിന്ന് പ്ലാസ്റ്ററിൽ ഉൾപ്പെടുകയോ ആവശ്യമായതിലും കൂടുതൽ പ്ലാസ്റ്ററിന്റെ ഉള്ളിൽ പെട്ടിട്ടില്ലെങ്കിൽ തന്നെ ചെറുതും വലുതുമായ അശുദ്ധിയിൽ നിന്ന് ശുദ്ധി വരുത്താത്ത അവസ്ഥയിൽ പ്ലാസ്റ്റർ ഇടുകയോ ചെയ്താൽ പിന്നീട് ആ നിസ്കാരം മടക്കേണ്ടതാണ്. മുറിവില്ലാത്ത ഭാഗത്ത് നിന്ന് പ്ലാസ്റ്റർ നിൽക്കാനാവശ്യമായ ഭാഗം മാത്രം പ്ലാസ്റ്ററിന്റെ ഉള്ളിൽ പെടുമ്പോൾ ചെറുതും വലുതുമായ അശുദ്ധിയിൽ നിന്ന് ശുദ്ധി യായ അവസ്ഥയിലാണ് പ്ലാസ്റ്റർ ഇട്ടതെങ്കിലും മുറിവിൽ അപ്പുറം തീരെ പ്ലാസ്റ്ററിന്റെ ഉള്ളിൽ പെട്ടിട്ടില്ലെങ്കിലും പ്ലാസ്റ്റർ ധരിച്ചത് ശുദ്ധിവരുത്തിയ ശേഷമല്ലെങ്കിൽ തന്നെയും നിസ്കാരം മടക്കേണ്ടതില്ല. (തർശീഹ് പേ: 24, 25))

അപ്പോൾ ഉപദ്യുക്ത അഞ്ചവസ്ഥകളിൽ നിന്ന് മൂന്നവസ്ഥയിൽ മടക്കൽ നിർബന്ധമാവും. രണ്ടവസ്ഥയിൽ മടക്കൽ നിർബന്ധമി ല്ലാത്തതുമാകുന്നു. എന്നാൽ തയമ്മത്തിന്റെ അംഗങ്ങൾ അല്ലാ ത്തവ എന്ന വ്യത്യാസം ഇമാം നവവി(റ)യുടെ റൗളയിലുള്ളതാണ്. മുഗ് നിയിലും നിഹായയിലും ഇതാണ് പ്രബലമായിട്ടുള്ളത്. ഇമാം നവവി(റ)യുടെ ശറഹുൽ മുഹദ്ദബിൽ ഇപ്രകാരം പ്രസ്താവിച്ചിരി ക്കുന്നു. ഉപദ്യുക്ത വ്യത്യാസമില്ലെന്നാണ് ഭൂരിപക്ഷത്തിന്റെയും വ്യത്യാസപ്പെടുത്താതെയുള്ള വാക്കിന്റെ താത്പര്യം. തുഹ്ഫയുടെ ബാഹ്യവും ഇത് തന്നെ. (തർശീഹ് പേ: 25))

ഉത്തരം: കണ്ണിൻ്റെ ഉള്ളിൽ വെള്ളം ആക്കൽ നിർബന്ധമോ സുന്നത്തോ ഇല്ല. കറാഹത്താണെന്ന് ചില പണ്ഡിതന്മാൻ രേഖപ്പെടുത്തിയിട്ടുണ്ടെന്ന് ബഹു: ഇബ്നു ഹജർ (റ) തുഹ്ഫ വാ: 1, പേ: 202ൽ വ്യക്തമാക്കിയിട്ടുണ്ട്.

ഇസ്ലാം നിർദ്ദേശിച്ച വിശ്വാസാചാരങ്ങൾ പരിശോധിച്ചാൽ അവയിൽ പല രഹസ്യങ്ങൾ അടങ്ങിയതായും പലതരം നന്മകൾ ഒരേ അവസരത്തിൽ ഉദ്ദേശിക്കപ്പെട്ടതായും കാണാവുന്നതാണ്. അഞ്ചുനേരത്തെ നിസ്കാരത്തോടൊപ്പം ശുദ്ധീകരണവും നിർബന്ധമാക്കി. ശരീരവും വസ്ത്രവും നിസ്കരിക്കുന്ന സ്ഥലവും നജസിൽനിന്ന് ശുചീകരിച്ചെങ്കിലെ നിസ്കാരം അംഗീ കൃതമാവുകയുള്ളൂ. ഇതേപ്രകാരം വലിയ അശുദ്ധിയുള്ളവർ കുളിക്കുകയും വേണം. മാത്രമല്ല, കൈകാലുകളും മുഖവും വായയും പല്ലും നാവും മുക്കും കഴുകി വൃത്തിയാക്കുകയും വേണം.

മനുഷ്യൻ സ്പർശിക്കുന്ന സാധനങ്ങളിൽ പലതരത്തിലുള്ള അടുക്കുകളും വിഷബീജ ങ്ങളും ഉണ്ടാവാൻ സാധ്യതയുണ്ട്. ഇടക്കിടെ കൈകഴുകിവൃത്തിയാക്കിയില്ലെങ്കിൽ കഴിക്കുന്ന ഭക്ഷണപാനീയങ്ങൾ മുഖേനയോ മറ്റോ ആ മാലിന്യങ്ങൾ ശരീരത്തിൽ കടന്നുകൂടാനും രോഗമുണ്ടാകാനും കാരണമാകും. അവൻ തൊടുന്ന വസ്തുക്കൾ അശുദ്ധമായിത്തീരും. അതു കൊണ്ടാണ് ദിവസം അഞ്ചുനേരം മൂന്നു പ്രാവശ്യം അവയവങ്ങൾ കഴുകണമെന്നു കൽപ്പിച്ചത്. ഇതെ പ്രകാരം നമ്മെ ബാധിക്കുന്ന രോഗങ്ങളിൽ പലതും വായയും പല്ലും വൃത്തിയാക്കാത്തതുകൊണ്ടാണ്. ഇസ്ലാം കൽപ്പിക്കുന്നത് ദിവസം അഞ്ചുനേരം പല്ലും നാവും അഴുക്കുകൾ നീക്കി വ്യത്തിയാക്കണമെന്നാണ് ഈ കൽപ്പന അനുസരിക്കുന്നവർക്ക് രോഗം ബാധിക്കാൻ സാദ്ധ്യത കുറയുന്നു. മൂക്കിൽ പറ്റിയ പൊടിയും മറ്റു വിഷവസ്തുക്കളും പോകുന്നത് ശ്വാസകോശ ത്തിലേക്കാണ്. അത് ശ്വാസകോശ രോഗങ്ങൾക്ക് കാരണമാകുന്നു. ദിവസം അഞ്ചുനേരം മൂക്കിന്റെഉൾഭാഗം വൃത്തിയാക്കി വെള്ളം കയറ്റിച്ചീറ്റുമ്പോൾ ഇത്തരം രോഗങ്ങൾ വരാൻ സാധ്യത കുറയുന്നു. പിന്നീട് കഴുകേണ്ടത് മുഖമാണല്ലോ. ആരോഗ്യപരമായി അതിനു വളരെ പ്രാധാന്യമുണ്ട്. മനുഷ്യശരീരത്തിലെ ഒരു മർമ്മസ്ഥാനമാണത്. ആ മർമ്മസ്ഥാനം ശുദ്ധിയാക്കുകയും ഇടക്കിടെ തണുപ്പിക്കുകയും ചെയ്യേണ്ടത് ആവശ്യമാണ്. ബോധക്ഷയം വന്നാൽ വെള്ളം തളിക്കുന്നത് മുഖത്താണല്ലോ, ബോധക്ഷയം പലപ്പോഴും ആരോഗ്യപരമായ ക്ഷിണത്തിന്റെ ഫലമാണ്. വെള്ളം തട്ടാതിരുന്നാൽ ക്ഷീണം ബാധിക്കുകയോ വർധിക്കുകയോ ചെയ്യുമെന്ന് ഇതിൽ നിന്ന് ഊഹിക്കാവുന്നതാണ്. ക്ഷീണിച്ചു വരുന്നവർ ഒരിടത്തിരുന്ന് വിയർപ്പു വറ്റിയശേഷം മുഖം കഴുകിയാൽ പെട്ടെന്ന് ക്ഷീണം വിട്ടതായി അനുഭവപ്പെടുന്നു. മാത്രമല്ല, മുഖം കഴുകാത്തവന്റെ സൗന്ദര്യം ശോഭിച്ചു കാണുകയുമില്ല. അവനെ അപരിഷ്കൃതനായിട്ടേ ഗണിക്കപ്പെടുകയുള്ളൂ. മാന്യന്മാരുടെ ഗണത്തിൽ എണ്ണപ്പെടുകയുമില്ല.

മുഖം കഴുകുമ്പോൾ കണ്ണിന്റെ എല്ലാ ഓരങ്ങളും ശരിക്ക് ശ്രദ്ധിച്ചു കഴുകണം. പിന്നീട് രണ്ടു കൈകളും മുട്ടുൾപ്പെടെ വൃത്തിയാക്കുന്നു. മനുഷ്യന്റെ പ്രധാന ഞരമ്പുകളാണ് കൈകാലുകളിൽ എടിപ്പിച്ചിരിക്കുന്നത്. അത് കഴുകുന്നതുകൊണ്ട് അഴുക്കുകളിൽനിന്നും രോഗാണുക്കളിൽ നിന്നും വൃത്തിയാകുന്നതോടൊപ്പം ശരീരമാസകലം വള്ളത്തിന്റെ തണുപ്പ് എത്തിച്ചേരുന്നു. നാം കൈപടം കഴുകി വൃത്തിയാക്കുന്നത് അതുമുഖേന മറ്റവയവങ്ങൾ വ്യത്തിയാക്കാൻ വേണ്ടിയാണ്. കൊഴുകിയ ശേഷം നനഞ്ഞ കൈകൊണ്ട് തലമുവൻ തുടച്ച് വൃത്തിയാക്കാനും ഇസ്ലാം കൽപ്പിക്കുന്നു. മനുഷ്യന്റെ ശരീരത്തെ ആകമാനം നിയന്ത്രിക്കുന്നത് തലച്ചോറാണ് തലയോട്ടിയുടെ ഉള്ളിലാണത് സൂക്ഷിച്ചിട്ടുള്ളത്. ആ തലച്ചോറിന് നാശം സംഭവിക്കാതിരിക്കാനാണ് സുശക്തമായ ഒരു പെട്ടിക്കുള്ളിൽ ഭായി അതിനെ സൂക്ഷിച്ചത്. തല ഒന്നു കഴുകിയായി എന്നെ എത്ര സുഖം തോന്നും. തലമുടിയിൽ എപ്പോഴും പൊടിയും മറ്റ് അശുദ്ധ വസ്തുക്കളും പറ്റിക്കൊണ്ടിരിക്കും. അപ്പോൾ തലമുഴുവനും മൂന്നു പ്രാവശ്യം തടവേണ്ടിയിരിക്കുന്നു. തല തടവിയ ശേഷം ചെവി രണ്ടും ഉള്ളും പുറവും തുടച്ചു വൃത്തിയാക്കേണ്ടതാണ്.

രണ്ടു കാലുകളും ദിവസം അഞ്ചപാവശ്യം കഴുകി വൃത്തിയാക്കാൻ കൽപ്പിച്ചതിന്റെ ഉദ്ദേശ്യവും ശ്രദ്ധേയമാണ്. വൃത്തികേടുള്ള സ്ഥലങ്ങളിലാണ് മനുഷ്യൻ സഞ്ചരിക്കുന്നത്, പല രോഗാണുക്കളും കാലിലും അതിന്റെ വിരലുകൾക്കിടയിലും നഖത്തിനും താഴെയും മറ്റും പറ്റിപ്പിടിക്കും. പല രോഗങ്ങളും പടർന്നു പിടിക്കുന്നതും ആ വഴിക്കാണ്. തന്നിമിത്തം ദിവസം നേരം നിർബന്ധമായി കാൽ കഴുകാൻ ഇസ്ലാം കൽപ്പിച്ചു. ഇങ്ങനെ വുളുവും മറ്റു ശുദ്ധീകരണ പ്രവർത്തികളും മനുഷ്യനെ വൃത്തിയോടെ ജീവിക്കാനും ആരോഗ്യം സംരക്ഷിക്കാനും പ്രാപ്തനാക്കുന്നു. ഇപ്പറഞ്ഞതിൽനിന്ന് ആരോഗ്യപരമായ നേട്ടങ്ങൾ മാത്രമാണ് വുളുവിന്റെ ലക്ഷ്യമെന്ന്ധരിക്കരുത്. ചില വശങ്ങൾ എടുത്തുകാണിച്ചുവെന്നു മാത്രം സർവ്വജ്ഞനായ അല്ലാഹു മറ്റു പല രഹസ്യങ്ങളും അതിൽ ഉൾക്കൊള്ളിച്ചിട്ടുണ്ട്. ബാഹ്യമായ അഴുക്കുകളിൽനിന്നും മനുഷ്യനെ ‘വളു ശുദ്ധിയാക്കുന്നതു പോലെത്തന്നെ ആന്തരികമായ അഴുക്കളിൽ (തെറ്റുകുറ്റങ്ങൾ) നിന്നും അത് ശുദ്ധിയാക്കുന്നുണ്ട്. നബി(സ) അരുളുന്നു. സത്യവിശ്വാസിയായ മനുഷ്യൻ ‘വളു’വിൽ മുഖം കഴുകുമ്പോൾ കണ്ണുനിമിത്തം ഉണ്ടായിട്ടുള്ള എല്ലാ പാപങ്ങളും അവസാനത്ത തുള്ളി വെള്ളത്തോടൊപ്പം മുഖത്തുനിന്ന് ഒഴുകി പോകുന്നതാണ്. കൈകഴുകുമ്പോൾ കൈകൊണ്ട് ചെയ്തിട്ടുള്ള എല്ലാ പാപങ്ങളും അവസാനത്തെ വെള്ളത്തുള്ളിയോടൊപ്പം ഒഴുകിപ്പോകുന്നതാണ്. നടത്തത്തിലൂടെ ചെയ്തിട്ടുള്ള എല്ലാ പാപങ്ങളും കാൽകഴുകുമ്പോൾ അവസാനവെള്ളത്തുള്ളി യോടൊപ്പം പോകുന്നതാണ്. അങ്ങനെ അവൻ പാപങ്ങളിൽ നിന്നും പരിശുദ്ധനാവുന്നു (മുസ്ലിം). വുളുവിൽ അവയവങ്ങൾ കഴുകുമ്പോൾ വെള്ളം ഒലിച്ചുപോകുന്നതോടൊപ്പം ആ അവയവങ്ങൾ ചെയ്ത് ചെറിയ കുറ്റങ്ങളും ഒഴുകിപോകുമെന്നാണ് ഈ ഹദീസിൽ പറഞ്ഞത്. അപ്പോൾ ‘വളു’ സാധാരണ നിലക്കുള്ള ഒരു ശുദ്ധിയല്ലെന്ന് ഇത് വ്യക്തമാകുന്നുണ്ട്. ആയിരുന്നുവെങ്കിൽ ശരിക്കു തേച്ചുകുളിച്ചു വൃത്തിയായാൽ പിന്നെ വുളുവിന് ആവശ്യമുണ്ടാകുമായിരുന്നില്ല. പ്രത്യക കമീകരണവും വ്യവസ്ഥയും വേണ്ടിയിരുന്നില്ല. ചുരുക്കത്തിൽ ‘വുളു’ വെറും ശുദ്ധിയല്ല മറിച്ച് ആരാധനാ പരമായ ശുദ്ധിയാണ്. അതിന് പ്രത്യേക വ്യവസ്ഥ സ്വീകരിച്ചേ പറ്റു.

വെള്ളം ചേരലിനെത്തടയുന്ന ഒന്നും വുളുഇന്റെ അവയവങ്ങളിൽ ഇല്ലാതിരിക്കലാണ്നിബന്ധന. പോളിംഗ് ബൂത്തിലെ മഷി വെള്ളം ചേരലിനെ തടയില്ല. പെയിന്റിലും ഇത്തിളിലു മൊക്കെയുണ്ടാകുന്ന തടി ഈ മഷിയിലില്ല. ചുരണ്ടിയെടുക്കാവുന്ന തടി ഉണ്ടാവുമ്പോഴാണ് വെളളം ചേരാതിരിക്കുന്നത്. ബൂത്തിലെ മഷി മൈലാഞ്ചി പോലെയാണ്. വുളൂഇന് തകരാറില്ല.

നജസ് ശരീരത്തിലാവുന്നത് വുളുഇനെ ബാധിക്കില്ല. പുതിയ വുളൂഇന്റെ ആവശ്യമില്ല.നിസ്കരിക്കണമെങ്കിൽ ആ ഭാഗം കഴുകി ശുദ്ധിയാക്കണമെന്ന് പറയേണ്ടതില്ലല്ലോ!