ശ്നം: നിത്യമായി വെള്ളപോക്കുള്ള ഒരു സ്ത്രീ നിസ്കരിക്കുവാൻ വുളൂ എടുക്കുമ്പോൾ യോനിയിൽ  കൈവിരൽ കടത്തി കഴുകി ശുദ്ധിയാക്കിയ ശേഷം യോനിയുടെ ഉള്ളിൽ പഞ്ഞിവച്ചു പുറത്തേക്കു സ്രവിക്കാതെ അടക്കുകയും  ശേഷം വുളൂ ചെയ്യുകയും നമസ്കരിക്കുകയും ഖുർആൻ ഓതു കയും ചെയ്യുന്നു. ഇങ്ങനെ ചെയ്യുമ്പോൾ എത്ര ഫർളു നമസ്കരിക്കാം? ഖളാ ഉളള നമസ്കാരം ഖളാഅ് വീട്ടിയതിനുശേഷം അദാ ഉള്ള നമസ്കാരം നിർവ്വഹിക്കാമോ? എത്ര സമയം ഖുർആൻ ഓതാൻ പറ്റും? നോമ്പുള്ള അവസരത്തിൽ യോനിയിൽ  കൈവിരൽ കടത്തി കഴുകൽ കൊണ്ടും പഞ്ഞി വയ്ക്കൽകൊണ്ടും നോമ്പിനു വല്ല തകരാറും വരുമോ?

ഉത്തരം: അശുദ്ധി നിത്യമായവൾ ഓരോ ഫർളിനും വുളൂ എടുക്കൽ നിർബന്ധമാണ്. അതുകൊണ്ട് അവൾ ഒരിക്കൽ ചെയ്ത വച്ചുകെട്ടലും വുളുവും കൊണ്ട് ഒരു ഫർളുമാത്രമേ നമസ്കരിക്കാവു. ഖളാആയ ഫർളിനും അദാആയ ഫർളിനും വെവ്വേറെ വുളുവും മറ്റും നടത്തേണ്ടതുണ്ട്. ഖുർആൻ ഓതാൻ വുളു നിർബന്ധമില്ല. അതിനാൽ അവൾക്കെത്ര സമയവും ഓതാവുന്നതാണ്. മുസഹഫ് തൊടൽ, ചുമക്കൽ പോലുള്ളതിനും അവൾക്കു വിടുതിയുണ്ട്. അതിനാൽ അങ്ങനെയും ഓതാം. നോമ്പുള്ള അവസരത്തിൽ യോനിയുടെ അകത്തു കൈ വിരലോ പഞ്ഞിയോ കടത്തുന്നതുകൊണ്ടു നോമ്പു ബാത്വിലാകും. അതിനാൽ നോമ്പുകാരിയെങ്കിൽ ചുറ്റിക്കെട്ടൽ മാത്രം നടത്തിയാൽ മതി. തുഹ്ഫ:1-393-97 നോക്കുക.